எங்களுக்கு வரம் தாரும்.

எங்களுக்கு வரம் தாரும்.
****************************

சாந்தமுள்ள இயேசுவே,

வீண் பெருமைகளை நாடாதிருக்க எங்களுக்கு வரம்தாரும்.

உமது புகழையன்றி வேறெதுவையும் தேடாதிருக்க எங்களுக்கு வரம்தாரும்.

உம்முடைய கட்டளைகளை ஏற்று அவற்றுக்குக் கீழ்ப்படிந்து நடக்க எங்களுக்கு வரம்தாரும்.

உம் அருளால் மட்டும் வாழும் நாங்கள் உம்மீது நன்றி மறவாதிருக்க எங்களுக்கு வரம்தாரும்.

எங்களிடமே ஆயிரம் தப்புகள் இருக்கும்போது மற்றவர்களைத் தீர்ப்பிடாதிருக்க எங்களுக்கு வரம்தாரும்.

மற்றவர்கள் எங்களைப் புகழவேண்டுமென்று ஆசைப்படாதிருக்க எங்களுக்கு வரம்தாரும்.

உம்முடைய அருளுதவி இன்றி எங்களால் ஒன்றும் செய்ய இயலாது என்பதை உணர எங்களுக்கு வரம்தாரும்.

உள்ளொன்றை நினைத்துக்கொண்டு வெளியொன்றைப் பேசாதிருக்க எங்களுக்கு வரம்தாரும்.

வீண் ஆடம்பரங்களை நாடாதிருக்க எங்களுக்கு வரம்தாரும்.

வீண் பிடிவாதத்திலிருந்து விடுதலை பெற எங்களுக்கு வரம்தாரும்.

நீர் தந்திருக்கும் திறமைகளை உமது புகழுக்காகவே பயன்படுத்த
எங்களுக்கு வரம்தாரும்.

எங்கள் இயலாமையைக்கண்டு நம்பிக்கை இழக்காதிருக்க எங்களுக்கு வரம்தாரும்.

எங்கள் நம்பிக்கை முழுவதையும் உம்மீதே வைத்தருள எங்களுக்கு வரம்தாரும்.

எங்கள் உள்ளும் புறமும் நீர் இருக்கிறீர் என்பதை உணர எங்களுக்கு வரம்தாரும்.

மற்றவர்களுடைய திறமைகளையும் மதித்து நடக்க எங்களுக்கு வரம்தாரும்.

எங்கள் பாவங்களுக்கு நாங்கள் பரிகாரம் செய்ய எங்களுக்கு வரம்தாரும்.

எல்லாரையும் விட உம்மை அதிகமாக நேசிக்க எங்களுக்கு வரம்தாரும்.

உமக்காக மற்ற எல்லோரையும் நேசிக்க எங்களுக்கு வரம்தாரும்.

இன்றும், என்றும் உம்முடனே இணைந்திருக்க எங்களுக்கு வரம்தாரும்.

ஆமென்.

லூர்து செல்வம்.

வாழ்வே செபம்.

வாழ்வே செபம்.
***********************-****

"செல்வம், இங்க வா, உட்கார்."

"ஏங்க, மணி 11,

இராத்திரி 11 மணி,

தூங்கவேண்டிய நேரம்,

இப்ப கையில Cell phone அ வச்சிக்கிட்டு உட்காரச் சொல்றீங்க.

படுங்க, நாளைக்குப் பகலில எழுதிக்கொள்ளலாம்."

"அடியே, கொஞ்ச நேரம்தான். நான் கேட்கிற கேள்விகட்குப் பதில் சொல்லிட்டு அப்புறம் படுத்துக்கோ."

"சரி, கேளுங்க. "

"Escapism ங்கிற வார்த்தையைக் கேள்விப்பட்டிருக்கியா?"

"கேள்விப்பட்டிருக்கனே! "

"எப்போ? எங்கே?"

"இப்போ, உங்க வாயிலிருந்துதான்."

"ஏடி, நக்கலா?"

"உண்மைதாங்க.  Escape. கேள்விப்பட்டிருக்கேன். Escapism இப்போதான் முதல் தடவை.

Escapeன்னா தப்பிச்சிறுன்னு அர்த்தம். இப்போ எதுக்கு அதப்பற்றி கேட்கிறீங்க?"

"காரணம் இருக்கு. சாத்தான் யாரை விழுங்கலாம்னு சுத்திக்கிட்டே இருக்கான்."

"அவங்கிட்ட இருந்து தப்பிக்க ஒரு வழி இருக்கு.

Prayer. செபத்தின் வழியே ஆண்டவரிடம் திரும்பிப் பார்க்காம ஓடீரணும்."

"கொஞ்சம் விளக்கமாச் சொல்லேன்."

"சாத்தான் நம்ம விழுங்க செய்ற செயல்களில

முதல் படி நடிப்பு.

சாத்தான் ஏவாளை ஏமாற்றியபோது பாம்பு உருவத்தில்.

நம்மை ஏமாற்ற எந்த உருவத்திலும், யார்உருவத்திலும் வரும்.

இரண்டாவது படி பொய்.

பொய்யை உண்மை மாதிரி சொல்வதில் சாத்தான் கில்லாடி.

மூன்றாவது படி கவர்ச்சி.."

"கொஞ்சம் பொறு,  சாத்தான் என்னமோ நாடகம் போட்டுக்கிட்டு வர்ரத மாதிரி பேசற."

"மாதிரி இல்லீங்க,  உண்மையே அதுதாங்க. உதாரணத்திற்கு எங்கேயும் போகவேண்டாம்.

இன்று இரவு செபம் சொல்லக் கூப்பிட்டபோது என்ன சொன்னீங்க?"

"இந்த சீரியல் முடிந்ததும் சொல்வோம்னு சொன்னேன்."

"கொஞ்சம் யோசித்துப் பாருங்க

நம்முடைய  செப நேரத்த எந்த அளவு சாத்தான் சீரியல் மூலமா திருடிட்டுப் போயிருக்கான்னு புரியும்."

"நூற்றுக்கு நூறு உண்மை. இந்த சோதனையிலிருந்து தப்பிக்க ஒரேவழி செபம்தான். நமது மனதை ஆண்டவரைநோக்கி திருப்பவேண்டும்."

"இந்தச் சோதனையில் மட்டுமல்ல எந்தப் பாவத்திற்காகச் சோதனை வந்தாலும் தப்பிக்க ஒரே வழி செபம்தான்!"

"செபம் என்றால் என்ன?"

"அதை வார்த்தைகளால் புரியவைக்க முடியுமான்னு தெரியல.

ஒரு பட்டணவாசி கிராமத்திற்கு வந்தான்.

அவன்  காபி, டீ தயாரிக்க சீனி பயன்படுத்துவது வழக்கம்.

கிராமத்திலுள்ளவர்கள் 'நாங்கள் கருப்பட்டிதான் பயன்படுத்துவோம்' என்றிருக்கிறார்கள்.

பட்டணத்தான், 'கருப்பட்டியா?  அது எப்படி இருக்கும்?'

ஒரு வயதான பாட்டி ஒரு கருப்பட்டித் துண்டை எடுத்துவந்து, அவன் வாயைத் திறக்கச் சொல்லி உள்ளே போட்டுவிட்டாள்.

அவன் அதை ருசித்துவிட்டு, 'ரொம்ப நல்லா இருக்கு' என்றான்.

செபம் என்றால் என்பதை வார்த்தைகளால் விளக்குவதைவிட

புனிதர்களது செபவாழ்வு எப்படி இருந்தது என்பதைத் தெரிந்து கொண்டால் நலமாயிருக்கும்."

"புனிதர்களைப் பார்க்குமுன் நமது இயேசு ஆண்டவரின் செபவாழ்வைப் பற்றி பார்க்லாமா?"

"இயேசு இறைவன்.
Jesus is God.

இயேசு அன்பு.
Jesus is love.

இயேசு செபம்.
Jesus is prayer. "

இயேசு இறைவன்-சரி.
இயேசு அன்பு.       -சரி.

அதெப்படி இயேசு செபம், விளங்விலையே! "

"Prayer is union with God.
இறைவனோடு ஒன்றித்திருப்பதே செபம்.

Jesus is one with the Father and with the Holy Spirit in the Most Holy Trinity.

இயேசு தந்தையோடும், பரிசுத்த ஆவியோடும் ஒன்றித்திருக்கிறார்.

ஒன்றிப்பிலான பரிசுத்த தமதிரித்துவம் ஒரே கடவுள்.

நீர் ஒருவரே தூயவர்

'நீர் ஒருவரே ஆண்டவர்,

நீர் ஒருவரே உன்னதர்

பரிசுத்த ஆவியுடன் தந்தை இறைவனின் மாட்சியில் உள்ளவர் நீரே!

'நீர் ஒருவரே ஆண்டவர்',

என்று சொல்லும்போது இயேசுவை மட்டுமா குறிப்பிடுகிறோம்?

அவரோடு இணைந்து ஒரே கடவுளான பிதாவையும், பரிசுத்த ஆவியையும் சேர்த்துதானே குறிக்கிறோம்.

அந்த இணைப்புதான்செபம்.

Union with God is prayer.

God Himself is Union.

Union of three Persons.

உள்ளபடியே இணைந்திருக்கும் கடவுளோடு நாம் உள்ளத்தால் இணைவதே செபம்.

எல்லா புனிதர்களும் வாழ்ந்தது செபவாழ்வு.

இறைவனுக்காக வாழப்படும் வாழ்வே செபவாழ்வு.

செபவாழ்வு வாழும் அனைவரும் புனிதர்களே!

மரியன்னை தன் மகனுக்காகவே வாழ்ந்தாள்.

'இதோ ஆண்டவரின் அடிமை' என்று கூறியதன்மூலம் தன் வாழ்நாளின் ஒவ்வொரு வினாடியும் கடவுளுக்காகவே வாழ்ந்தார்.

புனித சூசையப்பர் மனிதனாய்ப் பிறந்த இறைமகனை வளர்ப்பதற்காகவே கற்புக்கரசியான கன்னிமரியைத் தன் மனைவியாக ஏற்றுக்கொண்டவர்.

இறைவனிடமிருந்து உத்தரவுகள் கனவுகள் மூலம் வந்தபோதும் எதிர்க்கேள்வி கேட்காமல் கீழ்ப்படிந்தவர்.

சர்வ வல்லபக் கடவுளாகிய இயேசுவே தன் பாதுகாப்பை இவரிடம் ஒப்படைந்திருந்தார்.

இயேசுவின் திருமடியில் தலைவைத்து மரணிக்க வரம் பெற்ற ஒரே புனிதர்.

ஆகவே நல்மரணத்தின் பாது காவலராக விளங்குகிறார்.

இயேசுவின் நற்செய்தியை உலகெங்கும் பரப்பிய சீடர்கள் அனைவரும்

இயேசுவுக்காகவே வாழ்ந்தார்கள். அது செபவாழ்வு."

"கொஞ்சம் பொறு.

ஒவ்வொருவராகப் பெயர்  சொல்லி 'கடவுளுக்காக வாழ்ந்தார்கள்' என்று சொல்லிக்கொண்டே போவடைவிட

மொத்தமாக 'கடவுளுக்காக வாழ்பவர்கள் அனைவரும் செப வாழ்வு வாழ்கிறார்கள்' என்று சொல்லி விடலாமே!"

"சொல்லி விடலாம். ஆனால் எல்லோரும் ஒரே மாதிரி வாழவில்லை.

மரியாள் இயேசுவைப் பெற்றாள்.

சூசையப்பர் அவரை வளர்த்தார்.

சீடர்கள் நற் செய்தியை உலகெங்கும் பரப்பினர்.

இந்த தனித்துவத்தை குறிப்பிடவே ஒவ்வொருவராகச் சொன்னேன்.

புனித சவேரியார் ஒவ்வொரு நாடாக, நடந்தோ, நீர் வழியாகவோ சென்று மறைபணியைச் செய்தார்.

புனித சிறுமலர்த் தெரசம்மாள் அதே மறைப்பணியை மடத்தை விட்டு வெளியே போகாமலே தியான செபம் மூலம் செய்தாள்.

நமது காலத்தில் புனித கல்கத்தா தெரெசம்மாள் (Mother Theresa) ஏழைகட்கும்,

மரிக்கும் தருவாயிலுள்ள வயோதியர்கட்கும்,

தொழுநோயாளிகட்கும்,

சேரிகளில் வாழும் மக்களுக்கும்

பணிசெய்வதன்மூலம் இறைப்பணியாற்றினார்.

இதன்மூலம் என்ன தெரிகிறது?"

"வாய் மொழிமூலம் இறைவனிடம் நமக்கு வேண்டிய உதவிகளைக் கேட்பது,

செபக்கூட்டங்களுக்குச் சென்று வியாதிகள் சுகமடைய வேண்டுவது மட்டும் செபமல்ல.

நற்செய்தியைப் பரப்புவதும்,

ஏழைகட்கு உதவுவதும்,

நோயாளிகளைச் சந்திப்பதும், 

மற்றும் பிறர்சிநேகச் செயல்ளும்

வாழ்க்கையையே செபமாக மாற்றிவிடும்..

கதைகளில் படித்திருக்கிறோம்

மந்திரவாதி மந்திரக் கோலைக் கூழாங்கல்  மேல்காட்டும்போது

கூழாங்கல் தங்கக் கட்டியாக மாறி விடுகிறது.

அதைவிட பெரிய அதிசயத்தை ஆண்டவர் நம் வாழ்க்கையில் நிகழ்த்துகிறார்.

இரவில் நாம் இயல்பாகத் தூங்கப் போகும்போது,

'இறைவா, இன்றைய தூக்கதை என் பேரன்மார் நன்கு படிப்பதற்காக ஒப்புக்கொடுக்கிறேன்'

என்று செபித்தால் தூக்கம் சக்திவாய்ந்த செபமாக மாறிவிடும்.

பாவம் கலவாத எல்லாச் செயல்களையும் இவ்வாறு செபமாக மாற்றிவிடலாம்."

"Very good.  சுயநலம் கேட்டு செபிப்பதை விட அயலானுக்கு உதவுவது எவ்வளவோ மேல்."

"ஆனால் தியான செபத்தை மறந்துவிடக் கூடாது.

காலை, மதியம், இரவு  வாய்வழி செபத்தையும்,

திருப்பலியையும்

மறந்துவிடக்கூடாது.

அதையும் ஒழுங்காகச் செய்தால்தான்

செயல்வழி செபம் பலன் தரும்.

சுருக்கமாக

நினைவு,

வார்த்தை,

செயல்

மூன்றையுமே செபவாழ்வாக மாற்ற வேண்டும்."

"சிலுவையில் தொங்கிய இயேசு

தாகமாய் இருக்கிறேன் என்றார்.

அது ஆன்ம தாகம்.

அந்த தாகத்தை தணிக்க வேண்டுமா?

நம்மோடு கஸ்டப்படும் ஏழைகளின் தாகத்தை

அன்பு என்னும் நீரால் தணிக்க வேண்டும்.

இதுவே மிகச் சிறந்த செபம்."

லூர்து செல்வம்.

“Your faith has saved you; go in peace.”

“Your faith has saved you; go in peace.”
***************************

Whenever Jesus cured a patient He used to  say,

"Your faith has saved you."

This shows how much importance Our Lord gives to our faith in Him.
“Your faith has saved you; go in peace.”
 

What happen in our life fall into two categories:

1. Things that God does in us without our asking Him.

 2. Things that God does for us if asked for.

 

1.     God created us and is taking for us by His kind providence without our asking Him for it.

He has gifted us with ‘Faith in Him’ without our asking for it.

Even those whom we call unbelievers have some belief in them deep in their hearts without themselves knowing it.

This faith will reveal itself at emergencies when nothing of this world is of any help to them.

 I remember to have read about a saint who was an unbeliever

until the time when his friend sitting beside him was shocked to death by a sudden flash of lightning,

himself surviving.

This brought home to his mind the nothingness of this world and the supernatural power which saved him.

The faith so far hidden revealed itself at this emergency

and made him dedicate his life for the service of God.

2 . There are things which God does for us when we ask for them.

Jesus Himself has said, “Ask, it shall be given.”  

To be given what we ask for, we should have faith in God and a strong belief that we will be given.  

We will be given in proportion to the amount of our faith in God.  

Jesus won’t work any wonder for us unless our faith in him is strong.

 

 Even in His own country-side, Jesus could not do any wonderful works

due to the unbelief of the people there.(Mark. 6:5)

 St. Antony could do many miracles during his life time due to his strong faith.

So let us strengthen our faith first before asking God for anything.

Lourdu Selvam

"கடவுள் தம் மகனை உலகிற்கு அனுப்பியது அதற்குத் தீர்ப்பளிக்கவன்று, அவர்வழியாக உலகம் மீட்புப்பெறவே."(அரு.3:17)

"கடவுள் தம் மகனை உலகிற்கு அனுப்பியது அதற்குத் தீர்ப்பளிக்கவன்று, அவர்வழியாக உலகம் மீட்புப்பெறவே."(அரு.3:17)
*****--***---****--***--*******-**

"அப்பா!"

"அடுத்த கட்டுரையை ஆரம்பிச்சாச்சா?"

"இப்போ எனக்கு ஆறுதல் நீங்களும், எழுத்தும்தானே!"

"நேற்று வலைக்குள்ள மாட்டிக்கிட்டது தெரிஞ்சிது."

"வலை(Web)க்குள்ள போனா வெளியே வரமுடியல.

ஒரு நாள் மத்தியானச் சாப்பாடு  சாப்பிட முடியாம

வலைக்குள்ள மாட்டிக்கிட்டேன்னா பாருங்களேன்."

"நேற்றைய வலை அனுபவத்தைக் கொஞ்சம் விபரியேன்."

"பழைய ஏற்பாட்டில் நீங்கள்(கடவுள்) உணர்ச்சிவசப்படுவதாகக் குறிப்பிட்டிருப்பது உருவக அணி.

'The Old-Testament depiction of God’s emotions, therefore, is to be regarded as metaphorical:

as expressing in human language a truth about God that cannot be adequately formulated in human words.'

உங்களைப் பற்றிய உண்மையை நேரடியாக விபரிக்க மனித மொழியில் வார்த்தைகள் இல்லை.

உதாரணத்திற்கு பாவம் உமக்கு விரோதமானது.

இதை மக்களிடம் சொல்லி புரியவைக்கணும்.

மனிதனுக்கு ஒரு இயல்பு உண்டு.

தனக்கு விரோதமா யாராவது நடந்தா அவனுக்குக் கோபம் வரும்.

அதாவது அவனுக்குக் கோபம் வந்தா அவனுக்கு விரோதமா ஏதோ நடந்திருக்குன்னு அருத்தம்.

பாவம் உமக்கு விரோதமானது என்பதை அவனுக்குப் புரியவைக்க

உம்மை கோபப்படக்கூடிய மனிதனாக உருவகப்படுத்தி

பாவம் செய்பர்களைப் பார்த்தவுடன் உமக்குக் கோபம் வருவதாக எழுதியுள்ளார்கள்.

அதை வாசிக்கும் மனிதன் உமக்குப் பாவம் எதிரானது என்பதைப் புரிந்து கொள்வான்.

இதற்காக கடவுளாகிய உமக்கு மனிதஉருக்கொடுத்து கோபம் என்ற மனித இயபையும் கொடுத்துள்ளார்கள்.

இதற்கு தமிழ் இலக்கணத்தில் உருவக அணின்னு பெயர்."

"இதுவிசயத்தில் உன் கருத்து என்ன?"

"ஆண்டவரே, நீர் மாறாதவர்.
எல்லாம் தெரிந்தவர்.
உணர்ச்சிவசப்பட முடியாதவர்.

You cannot be influenced by emotions, such as anger and grief.

உணர்ச்சிகள் சூழ்நிலைக்கேற்ப மாறிக்கொண்டே இருக்கும்.

மாறிக்கொண்டே இருக்கும் உணர்ச்சிகள்(Emotions)  உம்மிடம் இருக்க முடியாது.

ஏனெனில் நீர் மாறாதவர்."

"ஆமா, மாறாதவர், மாறாதவர் என்று சொல்கிறாயே, நான் செயல் அற்றவனா? கல்கூட மாறாமல் இருக்கிறது!"

"No, You are always active.

உருவகமாகச் சொல்லவேண்டுமென்றால்,

மோயீசனுக்குக் காட்சி கொடுத்தீரே,

எரியும் நெருப்பு, அதைப்போன்றவர்.

Burning with active flames."

அதுமட்டுமல்ல,

எரேமியாஸ் உமது வார்த்தையையே நெருப்புக்கு ஒப்பிடுகிறார்.

"நம்முடைய வார்த்தை நெருப்பைப் போன்றதன்றோ? "(எரேமி.23:29)

" மண்ணுலகில் தீயை மூட்டவே வந்தேன். இப்போதே அது பற்றியெரிய வேண்டுமென்று எவ்வளவோ விரும்புகிறேன்!" (லூக்.12:49)

உம் திருமகன் தன் பணியை நெருப்புக்கு ஒப்பிடுகிறார்."

"இதெல்லாம் வலைக்குள் அகப்பட்டதுதானா? "

"ஆம் ஆண்டவரே,

உம் திருமகன் வலை வீசியவரைத்தானே திருச்சபையின் தலைவராக நியமித்தார்!

ஒரு கேள்வி..

ஆண்டவரே, உம் திருமகன், 'எதிரிகளை நேசியுங்கள், உங்களுக்குத் தீமை செய்பவர்கட்கு நன்மை செய்யுங்கள் என்று கூறியுள்ளார்.

அவர் வெறும் போதனையாளர் மட்டுல்ல, போதிப்பதைச் சாதிப்பவர்.

தீமைக்கு நன்மை செய்யவேண்டும்.

நாங்கள் செய்கிற பாவம் உமக்கு எதிரான தீமை.

அப்படியானால் பாவம் செய்பவர்களுக்கு நன்மையான மோட்சத்தைத்தானே கொடுக்கவேண்டும்?

நரகம் எதற்கு?"

"ரொம்ப பேர் மனசுல நினைத்துக்கொண்டிருக்கிற
கேள்வியைத் துணிச்சலா என்னிடம் கேட்டுவிட்டாய்.

நீ ஆசிரியர். 36 வருசமா மாணவர்கட்குப் பாடம் நடத்தி,  தேர்வு நடத்தி, விடைத்தாள் மதிப்பிட்ட அனுபவத்தைச் சுருக்கமா சொல்லு."

"ஆண்டவரே, நான் மட்டுல்ல, எல்லா ஆசிரியர்களும் எல்லா மாணவர்களும் வெற்றி பெறணும்கிற நோக்கத்தோடுதான் பாடத்திட்டப்படி பாடம் நடத்துகிறோம்.

35 மதிப்பெண்களுக்குக் குறையாமல் எடுத்தவர்கள் வெற்றி பெறுபவர்கள் என்ற இலக்கோடு தேர்வு நடத்துகிறோம்.

விடைத்தாள் மதிப்பீடு செய்யும்போது இலக்குப்படி மதிப்பெண் எடுத்தவர்கள் வெற்றி பெறுவார்கள். எடுக்காதவர்கள் தோல்வி அடைவார்கள்"

"ஆசிரியர் பாடம் நடத்துகிறார்.

சிலபேர், Teaching மட்டுமல்ல  coachingகும் கொடுக்கிறார்கள்.

வெற்றி பெற வேண்டியவர்கள் மாணவர்கள்.

வெற்றி பெறாவிட்டால் அதற்குக் காரணம் மாணவர்களே, 

ஆசிரியர்கள் அல்ல.

ஆன்மீக வாழ்வுக்கு வருவோம்.

நான் படைக்கும் ஒவ்வொரு ஆன்மாவையும் நித்திய காலமாக அன்புசெய்கிறேன்.

நான் மாறாதவன், என் அன்பும் மாறாது,

என்னால் படைக்கப்பட்டவன் என்னை வெறுத்தாலும்,

எனக்கு விரோதமாக எவ்வளவு பெரிய பாவங்கள் செய்தாலும்

அவன்மீது எனக்குள்ள அன்பு மாறாது.

அவன் பாவங்களுக்காக வருந்தி மன்னிப்புக் கேட்கும் வினாடியிலேயே அவன் பாவங்களை முற்றிலும் மன்னித்து விடுவேன்.

பாவங்கள் மன்னிக்கப்பட வேண்டுமென்பதற்காக

என் திருமகன் மனிதனாய்ப் பிறந்து,

பாடுபட்டு சிலுவை மரத்தில் தன்னையே பலியாக ஒப்புக்கொடுத்தது உனக்குத் தெரியும்.

ஒவ்வொரு ஆன்மாவும் என்னோடு நித்திய வாழ்வில் இணையவேண்டும் என்று ஆசிக்கிறேன்.

நான் சுதந்திரமாகத் தீர்மானிப்பதுபோல ஒவ்வொரு ஆன்மாவும் சுதந்திரமாகத் தீர்மானிக்கவேண்டும்.

ஆன்மா செய்யவேண்டியது ஒரே ஒரு காரியம்தான்,

என்னையும், என் மற்ற பிள்ளைகளையும் அன்பு செய்ய வேண்டும்.

அன்பு செய்வது கடினமா?

ஞானஸ்நானத்தில் சகல பாவங்களும் மன்னிக்கப்படுகின்றன.

பாவமற்ற நிலையில் அவனுக்கு அளிக்கப்படும் தேவ இஸ்டப்பிரசாதம் (sanctifying grace) 

என்னோடு அவனுக்கு உறவை ஏற்படுத்துகிறது,

தேவ இஸ்டப்பிரசாத நிலையில் அவன் மரித்தால் என்னோடு நித்திய பேரின்ப வாழ்வில் இணைவான்.

என்னோடு இணைந்த நித்திய பேரின்ப நிலைதான் மோட்சம்.

பாவம் செய்து தேவ இஸ்டப்பிரசாதத்தை இழந்து மரித்தால் என்னோடு இணையமாட்டான்.

என்னோடு இணைய முடியாத நிலைதான் நரகம்,

தாங்கமுடியாத வேதனை நிறைந்த நிலை.

நரகம் ஒரு இடம் அல்ல,
என்னை விட்டுப் பிரிந்த வாழ்க்கை நிலை.

நான் அவனைப் பிரிக்கவில்லை,

அவன்தான் பிரிந்து செல்கிறான்.

இந்த நிலையிலும் அவன்மீது நான் கொண்டுள்ள அன்பு மாறாது.

ஆனால் நரக நிலையில் என் அன்பினால் அவனுக்குப் பயனில்லை.

நீ விடைத்தாள் திருத்தும்போது மாணவன் குறைந்த மதிப்பெண் பெற்றால் நீயா Fail ஆக்குகிறாய்?

அவன்தானே Fail ஆகிறான்

அதுபோல்தான் நான் யாரையும் நரக நிலைக்குத் தள்ளுவதில்லை.

யாரும் சுதந்திரமாக எடுத்த முடிவில் நான் குறிக்கிடுவதில்லை.

பாவி என்னை வெறுத்தாலும் நான் அவனை நேசிக்கிறேனே.

அவன் திருந்திவர அருள்வரங்களை அள்ளிப் பொழிகிறேனே,

பாவங்களுக்காக வருந்தி மன்னிப்புக் கேட்டவுடன் மன்னிக்கிறேனே

அதுதான் தீமைக்குப் பதில் நன்மை.

மனிதன் சுதந்திரமாக மோட்ச நிலையைச் சம்பாதிக்க வேண்டும்.

ஆனால் அவன் நரக நிலையை அடைந்தபின் அவனை ஒன்றும் செய்ய இயலாது."

"இப்போ புரிகிறது.

மனிதன் இரட்சிக்கப்பட வேண்டுமென்று நீங்கள் விரும்புகிறீர்கள்.

உங்களது திருமகனும் அதற்காகத்தான் தன்னைச் சிலுவையில் பலியாக்கினார்.

அதையும் மீறி 'நரகத்துக்குதான் போவேன்' என்பவனை யாரால் என்ன செய்ய முடியும?

இருந்தாலும் உம்மை வேண்டுகிறேன்,

'மனுக்குலத்தைக் காப்பாற்றும்'."

லூர்து செல்வம்.

அன்புத் தந்தையுடன் சில வார்த்தைள்.

அன்புத் தந்தையுடன் சில வார்த்தைள்.
****************************

"ஆண்டவரே! அடியேனின் அடிமனதில்கூட புதைந்துகிடக்கும் அத்தனை எண்ணங்களும் உமக்குத் தெரியும்.

ஆயினும் வாய்திறந்து உம்மை நோக்கிச் சொல்லும் வார்த்தைகட்கு ஆசையோடு செவிசாய்க்கிறீர்.

நீர் படைப்பால் பெற்ற பிள்ளை என்ற உரிமையோடு சிறிது நேரம் பேசலாமா?"

"இதற்கு ஏன் இத்தனை முன்னுரை? நீ கட்டுரை எழுதணும். அதற்கு நான் கருத்து தரணும், அவ்வளவுதானே, கேள்."

"அளவுகடந்த அன்பின் மிகுதியால் ஆதாமைப் படைத்தீர். அவனுக்குத் துணையாக ஏவாளையும் படைத்து அவர்கட்குத் திருமணமும் செய்துவைத்தீர்.

நீர் பரிசாகக் கொடுத்த சுதந்திரத்தைத் தவறாகப் படுத்தி உமது கட்டளையை மீறி நடந்ததோடு,

'உண்ண வேண்டாமென்று நாம் உனக்கு விலக்கியிருந்த கனியைத் தின்றாயோ?'

என்று கேட்டபோது,

'எனக்குத் துணைவியாய் இருக்கும்படி நீர் எனக்குத் தந்தருளிய அந்தப் பெண்ணே அம்மரத்தின் கனியை எனக்குக் கொடுத்தாள்: நானும் தின்றேன்.'

என்று பதில் சொன்னான்.

'நீர் எனக்குத் தந்தருளிய அந்தப் பெண்ணே அம்மரத்தின் கனியை எனக்குக் கொடுத்தாள்:'

என்று கூறியபோது 'நீர் எனக்குத் தந்த' என்ற வார்த்தைகளால் பழியை உம்மீது போட்டான்.

அதாவது ' நீர் சரியான பெண்ணைத் தரவில்லை' என்ற பொருள்படப் பேசினான்.

உமக்குக் கோபமே வரவில்லையா? "

" கோபம் மனித இயல்பு.

அதுவும் எதிர்பாராத ஒன்றை நமக்கு எதிராகச் செய்தால் கோபம் வரும், அதுவரை இல்லாத ஒரு உணர்வு வரும். பின் மறைந்துவிடும்.

ஆனால் நான் படைக்கும்  மனிதன் என் கட்டளையை மீறுவான், நான் கேட்டால் இப்படிப் பதில் சொல்வான் என்று நித்திய காலமாகத் தெரியுமே!

கோபம் என் இயல்பே இல்லை.
என் இயல்புகளெல்லாம் நித்தியமானவை,

அதாவது, துவக்கமும் முடிவும் இல்லாவை.

எனது அன்பு நித்தியமானது.

எனது இரக்கம் நித்தியமானது.

எனது ஞானம் நித்தியமானது.

எனது நீதி நித்தியமானது.

எனது பண்புகள் (Attributes)  அனைத்தும் நித்தியமானவை.

கோபம் எனது பண்பே அல்ல. அதாவது என்னால் கோபப்படவே முடியாது."

"பைபிளில் சில இடங்களில் கோபப்படுவதாகக் குறிப்பிடப்பட்டிருக்கிறதே, ஏன்?"

"மனிதன் அளவு உள்ளவனாக இருப்பதால் அவன் பயன்படுத்தும் அனைத்தும், (மொழி உட்பட) அளவுள்ளவை.

மனித மொழியைக் கொண்டு என்னுடைய செயல்பாடுகளை விளக்க

உருவே இல்லாத எனக்கு மனித உருக்கொடுத்து

மனித இயல்புகளையும் கொடுத்து

(கோபம் மனித இயல்பு)

மனினுக்கு விளங்கக்கூடிய விதமாக

என் செயல்களை பைபிள் ஆசிரியர்கள் எழுதியுள்ளனர்.

(when the Bible speaks of the “wrath” of God, it is expressing in human language how much our own actions can offend God, and that when we commit such actions, we invariably experience some kind of suffering.

It is that consequence of our sinful actions that the Bible interprets as the “wrath” of God:

not that He is ever literally angry,

but that sometimes He  allows us to experience the consequences of our actions in order to teach us not to disobey Him.)

ஆதியாகமத்தில்

'ஒளி உண்டாகுக என்று உரைத்தார்'

'களிமண்ணால் மனிதனை உருவாக்கி, அவன் முகத்தில் உயிர் மூச்சை ஊதவே, மனிதன் உயிருள்ளவன் ஆனான்..'

'அந்நாளில் ஓய்வெடுத்தார். '

'அவனுடைய விலாவெலும்புகளில் ஒன்றை எடுத்து, அவ்வாறு எடுத்த இடத்தைச் சதையினால் மூடினார்'

இவற்றில்

உரைத்தார் (வாய்)

களிமண்ணால் மனிதனை உருவாக்கி (கை)

ஊதவே (வாய்)

ஓய்வெடுத்தார். '(உடல்)

மூடினார் (கை)

இவ்வார்த்தைகளால் உரு இல்லாத எனக்கு உருக்கொடுத்து,

கை, வாய் போன்ற உறுப்புக்களையயும்  கொடுத்திருக்கிறார்கள்.

அப்போதான் உங்களுக்கு விளங்கும்.

இந்த யுக்திக்கு anthropomorphism என்று பெயர்.

நான் உலகையும்,மனித குலத்தையும் படைத்தேன் என்ற செய்தி(Message) தான் நீங்கள் அறியவேண்டியது.

What is important is the message, not how it is given.

நான் உங்களோடு பேசும்போது உள்ளுணர்வுகள் (Inspirations)
மூலமாகப் பேசுகிறேன்.

அதை மற்றவர்கட்குத் தெரியப்படுத்த (Communicate) உங்கள் மொழியைத்தானே பயன்படுத்தியாக வேண்டும்.

இதைத்தான் பழைய ஏற்பாட்டின் தீர்க்கத்தரிசிகளும் செய்தார்கள்.

புதிய ஏற்பாட்டில் எனது அன்பு மகன் உன்னைப்போலவே உண்மையான சதையும், இரத்தமும் உள்ள மனிதனாகப்   பிறந்து   பேசினார்.

மனிதனாகப்   பிறந்த  அவருக்கு இரண்டு சுபாவங்கள்.

தேவ சுபாவத்தில் அவர் அரூபி.

மனித சுபாவத்தில அவருக்கு ஒரு Material bodyயும்,  Spiritual soulம் இருந்தன.

பழைய ஏற்பாட்டில் தீர்க்கத்தரிசிகளின் மூலமாகப் பேசியவர்

புதிய ஏற்பாட்டில் அவரே பேசினார்."

"பழைய ஏற்பாட்டின் தேவன் நீதியின் தேவன்

புதிய ஏற்பாட்டின் தேவன் அன்பின் தேவன் என்று சிலர் சொல்கிறார்களே. அது எப்படி?"

"நான் ஒரே தேவன்.

பழைய ஏற்பாட்டின் தேவனும் நான்தான்,

புதிய ஏற்பாட்டின் தேவனும் நான்தான்.

அன்பும் நானே,
நீதியும் நானே.

அன்பும், நீதியும்  பின்னிப் பிணைந்த என் பண்புகள்.

எனது அன்பு நீதியுள்ளது,
நீதி அன்புள்ளது.

என் நீதி உலக நீதியைப் போன்றதன்று,

உலக நீதி குற்றவாளியைத் தண்டிக்கும்.

என் நீதி குற்றவாளியை மன்னிக்கும்.

என் மகன் பாவிகளை மன்னிப்பதற்காகவே மனிதனாய்ப் பிறந்து,

பாவிகள் செய்ய வேண்டிய பரிகாரத்தைத்

தன் உயிரைக் கொடுத்து அவரே செய்தார்.

நீதிபதியும்,

பாவிகட்காகப் பரிந்து பேசும் வக்கீலும்,

பாவிகளின் பாவங்களுக்குப்
பரிகாரம் செய்தவரும்

ஒரே ஆள்தான்,
என்  மகன்தான்.

புரிகிறதா? "

"புரிகிறது.  அப்பா, இன்னும் அநேக கேள்விகள் உள்ளன.

நாளை கேட்கலாமா? "

"எப்போது வேண்டுமானாலும் கேள்.

நான் எங்கும், எப்போதும் தயார்.''

"நன்றி, அப்பா! "

லூர்து செல்வம்.