அது புளிப்புமாவுக்கு ஒப்பாகும். பெண் ஒருவர் அதை எடுத்து மூன்று மரக்கால் மாவில் பிசைந்து வைத்தார். மாவு முழுவதும் புளிப்பேறியது" என்றார். (லூக்கா நற்செய்தி 13:21)

 அது புளிப்புமாவுக்கு ஒப்பாகும். பெண் ஒருவர் அதை எடுத்து மூன்று மரக்கால் மாவில் பிசைந்து வைத்தார். மாவு முழுவதும் புளிப்பேறியது" என்றார். 

(லூக்கா நற்செய்தி 13:21)

அரிசியை நனைய வைத்து, உரலில் இட்டு ஆட்டி மாவாக்குகிறோம்,

எதற்கு?

இட்லி அவிக்க அல்லது தோசை சுட.

ஆட்டிய மாவைக் கொண்டு உடனே இட்லி அவிக்கலாமா?

மாவு புளித்த பின்புதான் இட்லி அவிக்கலாம் அல்லது தோசை சுடலாம் 

மாவு புளிக்க என்ன செய்ய வேண்டும்?

அரைத்த மாவோடு கொஞ்சம் புளிப்பு மாவு சேர்க்க வேண்டும்.

சேர்க்கப்பட்ட புளிப்பு மாவு எல்லா மாவையும் புளிக்க வைத்து விடும்,

பாலில்‌ ஊற்றப்பட்ட உறைமோர் 

பாலைத் தயிராக்குவது போல.

இயேசு ஏன் இறையாட்சியை புளிப்பு மாவுக்கு ஒப்பிடுகிறார்?

இறையாட்சிக்கும் புளிப்பு மாவுக்கும் என்ன சம்பந்தம்?

இறையாட்சியை ஏற்றுக் கொண்ட  சிலர் உலகில் வாழும் போது முழு உலகமும் இறையாட்சியை ஏற்றுக் கொள்ளும்.

தோமையார், சவேரியார், அருளானந்தர், வீரமாமுனிவர், அன்னைத் தெரசா போன்ற சில இறையாட்சியினர் இந்தியாவுக்கு வந்தார்கள்.

கோடிக்கணக்கானோர் கிறிஸ்தவர்களாக மாறினார்கள்.

காலம் வரும், அப்போது இந்தியர் அனைவரும் கிறிஸ்தவர்களாக மாறுவர்.

நாம் புளிப்பு மாவாகச் செயல்பட வேண்டும்.

இறையாட்சியின் வளர்ச்சி  மெதுவானதாக இருக்கலாம். 

 ஆனால், இறுதியில் முழு பூமியையும் நிரப்பி விடும்.

ஒவ்வொரு கிறிஸ்தவரும் இயேசுவின் போதகங்களை வாழ்வதன் மூலம் புளிப்பு மாவாகச் செயல்பட வேண்டும்.

இறையாட்சியின் வளர்ச்சியில் நம் ஒவ்வொருவருக்கும் பங்கு  உண்டு.

நாம் பார்வையாளர்கள் அல்ல, வளர்ச்சியில் பங்கேற்பவர்கள்.

இயேசுவின் போதகங்கள் மிகவும் வல்லமை வாய்ந்தவை.

 இயேசு அனைத்துலக அரசர்.

அவர் உலகெங்கும் இருப்பதால் அவரது அரசும் உலகெங்கும் இருக்கிறது.

ஆனாலும் அவரை அரசராக ஏற்றுக் கொள்ளாத லௌகீகவாதிகளும் உலகில் இருக்கிறார்கள்.

நமது வாழ்வைப் பார்த்து அவர்கள் ஆன்மீகவாதிகளாக மாற வேண்டும்.

புளிப்பு மாவு செயல்படுவது போல நாமும் செயல்படுவோம்.

 "விண்ணகத் தந்தையே, உமது ஆட்சி உலகெங்கும் வருக."

என்கிற விண்ணப்பத்தை தந்தை ஏற்றுக் கொள்வார்.

லூர்து செல்வம்